گونئی  آذربایجان دمکرات پارتی سینین(گادپ) دونیا آنا دیلی گونو ایله باغلی بیلدیریشی

ایراندا تورک دیلی رسمی دیل اولمالیدیر

 85 ایلدیر کی، فارس شوونیسمی ایران آدلانان اولکه ده بیر دیل و بیر میللت (فارس دیلی ، فارس میللتی) شعارینی گئرچک لشدیرمک آماجیلا بوتون امکانلارینی تورک دیلی نین و تورک میللتینین محوینه دوغرو یونلدیب. آنجاق هله ده بو اوغورسوز ایشیندن ال چکمه یبدیر.
پهلوی لر  و اونون واریثی اولان ولایت فقیه یاشادیقلاری ایرنج حاکمییت لری دورونده اولکه ده اولان غیری فارس میللت لری  85 ایلدیر کی اوز آنا دیللریندن  کی، بیر میللتین ان ایلکین حقوقولاریندان محروم ائدیب لر. محض بو جنایتین نتیجه سی اولاراق :
-بو گون گونئی آذربایجان تورک لری بیر ایل میللی حکومتین(1945/1496) دورونو چیخماق شرطی ایله هله ده اوز آنا دیلینده تحصیل آلماق حقوقوندان محروم دورلار؛
- هر ایل بیر چوخ گونئی اذربایجان تورکلری فارس دیلینی بیلمه مک اوچون ابتدائی صینیف لرده ترک تحصیل ائتمک مجبورییتینده دیر لر(بیر سیرا علمی اراشدیرمالارا اساساً ایران آدلانان میللی بولگه لر ایچینده، گونی آذربایجان  ترک تحصیل ائدن بولگه لرین اون سیرالاریندادیر)؛
- گونئی آذربایجان تورک لری اوز کولتوروندن و اوز تاریخیندن اوزاقلاشاراق فارس دیلینده و فارس کولتورونده اسیمیلاسیا اولماق زوروندادیرلار .
بیز گونئی آذربایجان دمکرات پارتی سی(گادپ)  بیرلشمیش میللتلر تشکیلاتی نین  2 اسفند آنا دیلی گونو چیخارتدیغی قرارینی  دیرلندیررک، اعلان ائدیریک کی :
-    بو گون اولکه ده حاکمیتده اولان ارتجایی رژیم، آللاهین آیت لریندن اولان دیله (تورک دیلینه ) دوشمن کسیلدیی اوچون ضد الهی بیر حاکمیت دیر؛
-    دیل بیر میللتین کیملیی ساییلیر، ارتجایی حاکمییتین  بیر دیلی آرادان آپارماق جهدی او دیلین اطرافیندا یارانان کولتورو و تاریخی محو ائتمک کیمی قلمه آلینیر . بو ایسه دونیا کولتوروندن بیر کولتورون محو اولونماسی اولاراق بین الخالق سوییه لی بیر جنایت دیر. بو اساسلا ایران اسلام جمهورییتی نین حاکمییتی  بین الخالق جنایتکار حاکمییت لر سیراسیندادیر؛
-    ایران اسلام جمهوریتی  قادین حقوقلاری نی، سوز آزادلیغینی تاپدالادیغینا و تروریزمی دستک له دیینه گوره ضد بشری بیر حاکمییت دیر .
 بیز گونئی آذربایجان دمکرات پارتی سی(گادپ)  دونیا آنا دیلی گونونو اولو تورک میللتینه تبریک دئیه رک، اولکه ده حاکمییتده اولان شوونیست رژیمین بوتون جنایتلرینی او جمله دن تورک دیلینه دوشمن کسیلدیینه گوره محکوم ائدیریک .  

یاشاسین آذربایجان تورک  میللتی !
یاشاسین تورک دیلیمیز !

گونئی  آذربایجان دمکرات پارتی سیی
28 / 11/1388